العودة   زفات عروس قطر - الشاعر ابو ليان > المنتديات الإجتماعية > الحياة الزوجية
 

&
&
إضافة رد
 
أدوات الموضوع ابحث في الموضوع انواع عرض الموضوع
 
قديم 31-03-2010, 07:18 AM   #1

ام حمووود

عضو مشارك

 
الصورة الرمزية ام حمووود






 

ام حمووود is an unknown quantity at this point



012 زوجي خانني و تزوج علي احتاج نصيحتكم ارجوكم

 

 

 



السلام عليكم ورحمة الله وبركاته
شلونكم خواتي الغاليات
انا في حال يرثى لهامن شهر وكم يوم وانافي عذاب نفسي تعبت من التفكيركرهت كل شئ حولي كنت عايشه كذبه كبيره في حياتي وانا مادري حابه افضفض معاكم اشوي لاني احس نفسي اليوم اشوه فقلت خواتي في المنتدى العزيزات يمكن يساعدوني اطلع من الحاله اللي انا فيها
لكم قصتي بالتفصيل.........
انامتزوجه من اربع سنوات تزوجت عن حب خذيت انسان فيه من الصفات اللي تحبه اي مره عطوف حنون كريم طيب ولد قبايل عنده اهل لوينحطون على الجرح يطيب وهم فيه من الصفات اللي ماتحبه اي مره انها تكون في زوجها يعني مافي احد خالي من العيوب خذته وانا عارفه كل عيوبه لاني كنت حاطه في بالي اني راح اغيره للاحسن وبالفعل قدرت خلال ثلاث سنين من زواجنا اللي كانت اصعب فتره في حياتي اغيره للاحسن وصبرت على وايد اشياء وشفت الحياة معاه بحلوها ومرهالانه هو انسان جدا عصبي ومايتكلم الا بالصوت العالي مدا غيور وشكاك وراعي مشاكل وفوق هذا كله
خاني كم مرة وشفت الخيانه بعيوني وفي بيتي اللي هو بيت اهله لاني ساكنه معاهم وفي غرفتي واكثر من مره وفي كل مره يوعدني انه ماراح يعيدها وبمجرد مااروح عند اهلي ولا انام عندهم لاي سبب من الاسباب
وطب عليه فجاه واصيده ورد اسامحه وقول النفس اماره بالسوء وبالذات زوجي لانه ضعيف في الدين يعني بالعربي ما قصرت معاه في اي شئ تحملت الظلم والظلايم معاه كل هذا بس علشان احبه وموت فيه ومااتخيل حياتي بدونه وحتى هو يحبني وايدودائما يقولي لو اموت ماالقى وحده مثلج يشهد الله اني ماكنت له الزوجه وبس كنت له الام والاخت والصديقه لدرجة انه اهله واهلي وكل من يعرفنا كانوا يستغربون من علاقتنا وبالذات اهلي يقولون هو مايستاهلج امقصر معاج في كل شئ مايشتغل من يوم خذيته وهو عاطل لايوديني ولايجيبني اي مكان حتى الجمعيه اللي يم البيت اروح في موتر ايجار ولا مع اهله مشاويري كلها يامع اهلي او مع اهله وهم كنت صابره وعايشه متمسكه في بيتي وزوجي وصونه في غيابه اتم بالشهور والايام بين اربع طوف وهويروح ويجي وقول خليه يستانس لانه مايروح اي مكان ولايسوي شئ الاوهومستاذن مني كنت افرح من هالشئ وقول محد قدي الحريم يتمنون ازواجهم يعلمونهم بعلومهم وانازوجي ماشاءالله عليه من ناحية الفلوس والحب مايقصر معاي طبعا الفلوس من عند اهله هم اللي يصرفون علينا فديتهم والله ماقصروا معاي بيض الله وجهم حبوني وعزوني اكثر من زوجي لاني انا بعد ماكنت اقصر معاهم في شئ ايام الخطبه كان زوجي يقولي اعزالناس عندي امي وابوي ومن بعدهم اهلي الباقين كلهم ابيج اذا جيتي عندناالبيت اتصيرين معاهم مثل الظفر اللي بالحم كلمته هاذي مشيت عليها حرفيا لدرجة انه اي مشكله اتصير بيني وبينه واذا بغيت اترك البيت واروح تصيح امه وتترك البيت وراي وتقول مالي قعده في البيت من عقبج انت حياة البيت وروحه وحتى خوات زوجي من يدرون اني متزاعله مع زوجي وانا مش في البيت ولاوحده فيهم تيجي البيت يقولون ياشين البيت اذا انت مافيها للعلم زوجي كان متزوج قبلي من بنت عمه وزواجهم مااستمر اكثر من ست شهور وبعدها قعد ثلاث سنوات بدون زواج ماجاب منها عيال وعقبه طلعت انا في حياته
وحتى انا ربي مارزقني منه بعيال انا معاي ضعف بسيط بس هو ماكنت اعرف وش اللي فيه بالضبط لاني كل ماكنت اروح اتعالج يطلبون مني تحليل زوجي وكل ما اجيب له التحليل يقولي اليوم بروح بكره بروح وعلى هالموال ضيع من عمري اربع سنوات وحرمني من الامومه ابسبة تحليل
لـــــييين جتني الصاعقه الكبيره قضت علي قوتي وصبري وتعبي كله راح
فجاة في يوم من الايام قرر زوجي يسافر المغرب قال سياحه مع الشباب اساسا انا متعوده على سفراته بس سفراته ما تتعدى دول الخليج لانه ماتكلفه وايد ساعات يطلع فلوس من مواتر يبيع ويشتري في المواتر قلت اكيد طلع له مبلغ محترم وحاب يروح يغير جو لانه من زمان ماسافر مكان
لعدم توفر الماده ولان الفتره اللي راحت قبل لايسافر كان دائما مريض
لان زوجي صاحب ربو معاه ربو مزمن يعني اي وحده من الاخوات في المنتدى تبي تعرف اي علاج حق الربو تسالني لاني صرت خبيره فيه كنت الطبيبه الخاصه لزوجي اسهر على مرضه ليل ونهار لدرجة اني افقد من وزني كم كيلو بدون اي رجيم بس من خدمتي له لانه يتعب وايد المهم راح زوجي للمغرب وقعد هناك شهر وعشرة ايام حاسبتهم عدل لاني في كل مره يسافر انتظر ردته بفارغ الصبر ما عندي حد غيره احاتيه طول الفتره اللي كان في المغرب كنت اطرش له رسائل حب وغرام وماقصر في اتصالاتي بس ماكان يجيني منه اي رد مستغربت وايد لان زوجي مايعرف يعبر بالرسائل ومش رومنسي ولايهتم في امور النسوان لامن قريب ولامن بعيدعلشان جذي ماشكيت فيه ولاللحظه وحده بعد هالمده رجع وقعد خمسة ايام ورد قالي بسافر الاحساء علشان اغراض المواتر وسافر في هالخمسة ايام اللي كان عندي حسيت انه متغيربسسسسسسسس
المهم رجع بعد اسبوعين وفي يوم من الايام قال انا ماراح انام في البيت اليوم عندي اشغال تخص المواتر ابي اواصل لين الصبح واخلصها
متعوده على هالاشيااء من زمان بس مادري ليش هالمرة ماكنت مصدقته تذكرت ايام خياناته كنت ماخذه مع نفسي عهد ووعداني ما اتذكر عشان اقدراعيش قمت الصبح وشفت الوقت عشره الصباح وتصلت فيه ما رد علي
سالت الخدم في البيت واهل البيت اذا في حد شافه الصبح محد يدري عنه
رحت المطبخ اكل لي شئ مطبخنا له باب يودي لمجلس الرجال من برى الباب هذا دائما يكون مفتوح علشان طلبات عيال البيت استغربت يوم شفت الباب مسكر من برى سالت الشغاله قالت الباب هذا مسكر من يومين
حتى المجلس ما نظفته تاكد ان في شئ غير طبيعي رحت غرفتي لبست عبايتي
وطلعت الشارع اتاكد من سيارته اللي كان يبي يوديها المعرض السياره موجوده عند الباب توجهة صوب المجلس طقيت الباب والدريشه حاولت افتح الباب لقيته مسكر قلت يمكن مافيه احد اول ماوخرت سمعت صوت الباب ينفتح وشفت زوجي طالع من الداخل جيت ابي ادخل صاريمنعني اساله من داخل مايرد علي قمت اصيح وصارخ الله لايرويكم حالتي ذاك الوقت يمكن لو مات لي حد ماكان صار فيني جذي اهل البيت كلهم التموا على صوتي
يوم شاف حالتي قال انا تزوجت عليج ولي بالداخل زوجتي مغربيه
انتهى كلامه نهاية خدمتي سك براسي وحدة انا ادري كلكم راح تقولون وين المشكله الدين حلل لهم اربع وانت لااول ولااخر وحده يتزوج زوجها عليها زواجه علي زعلني بس كان ممكن اتقبل ورضى بالامر الواقع اذا كان معطيني حقوقي انابالاول كامله اذا انا مقصر معاي في وايد اشياء
وياريت لوكان زواج عادي وبس للاسف كانت خيانه من سنه يوم سالته وسالوه اهله من هاذي ومن متى تعرفها من وين لك فلوس تتزوجها قال انا اعرفها من سنه هي تشتغل في صالون شفتهابالجمعيه بالصدفه وعطيتها رقمي تميت معاها على هالحال بس اكلمها واذا ابي اشوفها اشوفها في مكان عام يحلف انه ما لمسها الايوم تزوجهايعني خيانه وزواج صدمتين ورى بعض انااللي رتبت شنطة سفره بيديني حتى عود الاسنان ما انسى احطله في الشنطه حتى علاجه حق الربواشتريله واحطله بالشنطه بدون ما يدري اخاف عليه حتى من النسمه الطايره دخلها بيتي وحياتي من غير مقدمات وفرضها علي غصب ماحتى راعى شعوري اناانسان والله العظيم اني انسان انامش ملاك يطلبون مني اني اسامحه طول عمري اسامحه وغفر زلاته وستر عيوبه اي مره في الدنيا اذا شافت زوجها مع وحده في سريرهاراح تروح عنداهلها وتقعد شهر شهرين ولاحتى سنه او يمكن ماترجع له نهائياب بس انا في كل خياناته اقعد عنده ولاارجع عنده نفس اليوم
لكن الحين خلاص ذليت نفسي بمافيه الكفايه اناالحين عند اهلي اهلي يقولون تطلقي منه خذتيه غصبا عنا وقلنا مايخالف يمكن تسعدين معاه
صبرتي على مشاكله كل يومين متهاوش مع احد انسان عصبي ومزاجي لايشتغل ولايعرف طريق المسجد امضيع حقوقج وحقوق الله ماقدر تضحياتج ولاتعبج عليه
ايش تبين فيه يوم اسمع هالكلام اقول خلاص بتطلق منه وارتاح واناعارفه نفسي حتى لو تطلقت منه ماراح ارتاح لاني حبيته من كل قلبي علمته وربيته وتعبت عليه مثل ما الام تتعب على ولدهاخليته انسان يفهم الحياه في كل وقت وفي كل صلاة اطلب ان الله يهديه ويصلحه هاذي قصتي من اولها لاخرها ادري اني طولت عليكم اكثر من الازم بس ارتحت يوم قلت اللي في خاطري الحين انافوضت امري للي ما تنام عينه مالي غير رب العالمين الحمدالله علاقتي مع ربي قويه من قبل المشكله وصارت اقوى من بعد المشكله دعواتكم الصالحه ان ربي يفرج همي وهم كل محزون ابي منكم ردود وحلول اتساعدني اتخطى هالمحنه بسلام في حفظ الله.......


تواصل مع الشاعر ابو ليان على مواقع التواصل الاجتماعي

 

مجموعات Google
اشترك في مجموعة زفات مناسبة ليصلك جديد الموقع أولا بأول
ضع بريدك الإليكتروني في المربع ثم اضغط اشتراك:
زيارة هذه المجموعة

 

التوقيع

ام حمووود غير متواجد حالياً  

رد مع اقتباس
 
 
قديم 31-03-2010, 07:21 AM   #2

ام حمووود

عضو مشارك

 
الصورة الرمزية ام حمووود






ام حمووود is an unknown quantity at this point



افتراضي رد: زوجي خانني و تزوج علي احتاج نصيحتكم ارجوكم

 

للعلم حبيباتي اخت زوجي هي صاحبة الموضوع ولست انا يعني المسكينه دخلت بعضويتي
الحين هي محتاجة مساعدتكم ونصيحتكم لها
والله يعطيكم العافية

 

التوقيع

ام حمووود غير متواجد حالياً  

رد مع اقتباس
 
 
قديم 31-03-2010, 12:48 PM   #3

غ ــمــوض بـنـيـهـ

مشرفة المنتدى الرياضي

 
الصورة الرمزية غ ــمــوض بـنـيـهـ






غ ــمــوض بـنـيـهـ فريد من نوعهغ ــمــوض بـنـيـهـ فريد من نوعهغ ــمــوض بـنـيـهـ فريد من نوعهغ ــمــوض بـنـيـهـ فريد من نوعهغ ــمــوض بـنـيـهـ فريد من نوعهغ ــمــوض بـنـيـهـ فريد من نوعهغ ــمــوض بـنـيـهـ فريد من نوعه



افتراضي رد: زوجي خانني و تزوج علي احتاج نصيحتكم ارجوكم

 

أنا أقول تتطلق منهـ وتدعي ربها يرزقها الزوج الصالح..اللي يعزها ويقدرها ويعرف قيمتها..وهو راح يعض أصابع الندم إذا فقدها..بعد عمري هي ماقصرت معاهـ بشي..بس هو اللي مايستاهل هالدره اللي عندهـ ..أتمنى أني حاولت أحل ولو جزء..يالبى روحكـ ماراح أنساك من الدعاء الله يحل مشكلتك ويوسع صدركـ ويسعدكـ وين ماكنتي ويعوضكـ بدل هاالتعبان اصلح الرجال يالغلا..تقبلي مروري يادنيتي..

 

التوقيع

غ ــمــوض بـنـيـهـ غير متواجد حالياً  

رد مع اقتباس
 
 
قديم 31-03-2010, 03:36 PM   #4

ام حمووود

عضو مشارك

 
الصورة الرمزية ام حمووود






ام حمووود is an unknown quantity at this point



افتراضي رد: زوجي خانني و تزوج علي احتاج نصيحتكم ارجوكم

 

مشكورة حبيبتي عالنصيحة وجزاك الله خيرا

 

التوقيع

ام حمووود غير متواجد حالياً  

رد مع اقتباس
 
 
قديم 31-03-2010, 04:15 PM   #5

دلوعة دبدوبي

عضو برونزي

 
الصورة الرمزية دلوعة دبدوبي






دلوعة دبدوبي سيصبح مشهور قريباً



افتراضي رد: زوجي خانني و تزوج علي احتاج نصيحتكم ارجوكم

 

لا مطلق حرام كذاعاد طلاق مره واحد يمكن يوم من الايام
يدعدل زوجها تقول تحب ياغ ـــــــموض بنيهــ وهو يحبه
يامووت فيها لا يا حبيبتي خذي نصائحتي من المراة متزوجه
انتي حولي تعدلينو يا قلبي وان شاء الله يتغير معاكي انتي اثقي فيه
هومن نحيت اشكاك فيه حولي قدرماتقدرين انتي او يكون في ضرب
في من يحميني يا قلبي؟؟
واذا تبين شي يا اختي رساليني على الخاص
ولا تستحين اخوتك يا اختي

 

التوقيع

دلوعة دبدوبي غير متواجد حالياً  

رد مع اقتباس
 
 
قديم 07-04-2010, 03:54 PM   #6

خفايا الجراح

عضو مجتهد

 
الصورة الرمزية خفايا الجراح






خفايا الجراح is an unknown quantity at this point



افتراضي رد: زوجي خانني و تزوج علي احتاج نصيحتكم ارجوكم

 

اسال الله العلي القدير رب العرش العظيم ان يجلو كربتك ويزيح همك وينزل الطمأنينة على قلبك كما اسأله تعالى باسمه الاعظم الذي اذا دعي به اجاب وإذا سأل به اعطى ان ينصرك على زوجك الظالم ويعوضك بزوج خير منه في القريب العاجل يارب يارب اختي قولي اللهم اجرني في مصيبتي واخلف لي خيرا منها فلقد قالتها ام سلمه رضي الله عنها عند وفاة زوجها فعوضها الله برسول الله صلى الله عليه وسلم تأكدي بأن الله معك وان الله لايضيع اجر من احسن عملا
اما من ناحية الطلاق فهذا حقك شرعا والخيار يعود لك لا اريد ان احرضك عليه فأكون السبب استخيري فما خاب من استخار
أأأأأأأه الرجال مااااالهم أمااااااان
استغفر الله واتوب اليه

 

التوقيع

خفايا الجراح غير متواجد حالياً  

رد مع اقتباس
 
 
قديم 07-04-2010, 03:57 PM   #7

عروس المملكه

عضو فضي

 
الصورة الرمزية عروس المملكه






عروس المملكه بارقة أمل جليةعروس المملكه بارقة أمل جليةعروس المملكه بارقة أمل جليةعروس المملكه بارقة أمل جليةعروس المملكه بارقة أمل جلية



افتراضي رد: زوجي خانني و تزوج علي احتاج نصيحتكم ارجوكم

 

لا حول ولا قوة الابالله تقول حسبي الله ونعم الوكيل والله يصلح حلها امين يارب

 

التوقيع

عروس المملكه غير متواجد حالياً  

رد مع اقتباس
 
إضافة رد

مواقع نشر

الكلمات الدلالية Tags
احتاج, تسوي, خانني, زوجى, نصيحتكم

 

أدوات الموضوع ابحث في الموضوع
ابحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة



جميع الأوقات بتوقيت GMT +3. الساعة الآن 08:36 AM.


Powered by vBulletin
Copyright ©2000 - 2006, Jelsoft Enterprises Ltd

زفات عروس قطر - الشاعر ابو ليان
المصممة شموسة لخدمات التصميم

خريطة الموقع